No Comment Labels:

အ.ထ.က (၅) ဗိုလ်တထောင်...
အဲဒီနာမည်ကိုကြားလိုက်တာနဲ့ ငါတို့ကျောင်း ဆိုပြီးချက်ချင်း စိတ်ဝင်စားမိပါတယ်..

အဲဒီမှာ... နာသုံးနာနဲ့ပြည့်စုံတဲ့ ဆရာသမားတွေနဲ့ တွေ့ခဲ့ရတယ်..
အဲဒီမှာ... သူငယ်ချင်းဆိုတာ ဘာလဲ ဆိုတာ အဓိပ္ပါယ်ဖော်ပြခဲ့တဲ့ လူတွေနဲ့တွေ့ခဲ့ရတယ်..
အဲဒီမှာ... အတတ်ပညာ၊ အသိပညာတွေ သင်ကြားခဲ့ရတယ်...
အဲဒီမှာ... စာမေးပွဲတွေ၊ အမှတ်တွေ၊ အဆင့်တွေနဲ့ အလုပ်ရှုပ်ခဲ့ဖူးတယ်...
အဲဒီမှာ... ကြိမ်လုံးစာလည်း မြည်းခဲ့ဖူးတယ်..
အဲဒီမှာ... ဂုဏ်ပြုခံရတယ်ဆိုတဲ့ ဆုလည်းရခဲ့ဖူးတယ်..
အဲဒီမှာ... ဘ၀ ကို ဘယ်လိုဆက်လျှောက်ရမယ်ဆိုတာ လမ်းကြောင်းရွေးခဲ့ရတယ်..
အဲဒီမှာ... ကျောင်းတက်ခွင့်ရခဲ့တဲ့ အတွက် တကယ်ကို ၀မ်းသာကျေနပ်ခဲ့ရတယ်..

ခုတော့.. အဲ့ဒီနေရာလေးနဲ့ဝေးခဲ့တာ...(၁၀)နှစ်ပြည့်တော့မယ်..
ဆယ်စုနှစ်တစ်ခုစာ ကာလတစ်ခုကြာပြီးတဲ့နောက်မှာ... ဘာတွေဖြစ်လာလဲ.

ဆရာသမားတွေ..
တစ်ချို့လည်းရှိဆဲ၊ တစ်ချို့လည်း မရှိတော့ဘူးပေါ့။ ဒါပေမယ့် ကျောင်းသားတွေရဲ့ ရင်ထဲမှာတော့ ထာဝရရှိနေမယ်ဆိုတာ ကျွန်တော်ယုံကြည်တယ်...

သူငယ်ချင်းတွေ..
အသီးသီး ဘ၀လမ်းကို လမ်းကြောင်းပေါင်းစုံနဲ့ လျှောက်ကြတယ်..
အောင်မြင်တဲ့သူတွေရော.. ကြိုးစားနေဆဲသူတွေရော..နေရာဒေသ ပေါင်းစုံကို ခြေဆန့်ရင်း အောင်မြင်မှုကို ရှာနေကြဆဲ..
ဒါပေမယ့်... ဗိုလ်(၅) ဆိုတဲ့အသံလေးကို ကြားလိုက်ရတယ် ဆိုရင်ပဲ ကျောင်းသားဘ၀ကို ပြန်မြင်ယောင်မှာ မလွဲပါဘူး..

ကျွန်တော်.......
သူငယ်တန်းတုန်းက ဆရာမ ဒေါ်ဖီလို ကို အရမ်းတွေ့ချင်တယ်.. ကျွန်တော်ရဲ့ ကျောင်းသားဘ၀ ပထမဆုံးဆရာမ..
လေးတန်းတုန်းက အချိန်ပိုခေါ်စာသင်ပေးခဲ့တဲ့ ဆရာမဒေါ်ခင်လေးဦးရဲ့ စေတနာတွေကို ယနေ့ထိတိုင် မြင်ယောင်နေမိတယ်..
နောက် ရှစ်တန်း၊ ဆယ်တန်း.. အလယ်တန်း၊ အထက်တန်း အတန်းတိုင်းမှာ သင်ကြားပြသခဲ့တဲ့ ဆရာ၊ဆရာမ တွေကို ဦးညွတ်လျက်..
ကျောင်းသားဘ၀ သူငယ်ချင်းတွေအများကြီးရှိခဲ့ပါတယ်.. ခုအပြင်မှာ တစ်ယောက်တစ်လေတောင် ပြန်မတွေ့ရတာ စိတ်မကောင်းပါဘူး..
အားလုံးကနေရာဒေသ အသီးသီးမှာ အလုပ်အကိုင် အသီးသီးနဲ့ ပျော်ဝင်နေကြပါပြီ။
ဒါပေမယ့် ဘယ်လိုပဲ ဖြစ်နေပါစေ.. ကျောင်းတုန်းက သူငယ်ချင်းကို ဘယ်လိုနည်းလမ်းနဲ့ပဲ တွေ့တွေ့ စိတ်တွေက
ငယ်ဘ၀ကို ပြန်ရောက်သွားမိတယ်.. ပျော်ရွှင်စရာ.. ကြည်နူးစရာတွေဆီကို ပြန်ရောက်သွားတယ်..
ခုဒီ ဘလော့ဂ်ရပ်ဝန်းမှာလည်း ကျောင်းတုန်းက သူငယ်ချင်းတွေကို ပြန်တွေ့ရတယ်.. ပျော်တယ်. ၀မ်းသာတယ်. နေရာစုံမှာ ရှိနေတဲ့ သူငယ်ချင်းတွေအကြောင်းကို တစေ့တစောင်း သိခွင့်ရတယ်. အဆက်အသွယ်ပြတ်နေတဲ့ သူငယ်ချင်းတွေနဲ့ ပြန်ဆက်သွယ်ခွင့်ရခဲ့တယ်.
ကျောင်းတုန်းက ရင်ခုန်သံတွေကို ပြန်ကြားခွင့်ရတဲ့အတွက် .... သူငယ်ချင်းတွေအားလုံးကို ကျေးဇူးတင်ပါတယ်..
ဖြစ်နိုင်မယ်ဆိုရင် သူငယ်ချင်းတွေအားလုံး gathering လေးတစ်ခုလောက်လုပ်ချင်ပါတယ်..

ကျောင်းနဲ့ပတ်သတ်လို့ အမှတ်တရတွေကတော့ အများကြီးဗျာ.. လောလောဆယ် ဖြစ်ချင်တဲ့ ဆန္ဒလေးကို တင်လိုက်တာပါ..
ကျောင်းနဲ့သက်ဆိုင်တဲ့ ကျောင်းအကြောင်း.. သူငယ်ချင်းတွေ အကြောင်း အလွမ်းပြေကြည့်ချင်ရင်...

http://bo5.netfirms.com/
http://bo5.blogspot.com/
http://groups.yahoo.com/group/BEHS5_Botataung/
http://www.friendster.com/group/tabmain.php?gid=35161 (97-98 batch) စတဲ့နေရာတွေမှာ သွားရောက်ကြည့်ရှုနိုင်ပါတယ်

post signature

Read More...


 

13 comments Labels:

မြေအောက်ကမ္ဘာများ အပိုင်း(၃)မှာတော့ ကျန်ရှိတဲ့နိုင်ငံတွေရဲ့ မြေအောက်ကမ္ဘာများအကြောင်းကို တင်ပြလိုက်ပါတယ်။ တိုးတက်ပြီးနိုင်ငံတွေမှာတော့ မြေအောက်ကမ္ဘာ အသစ်များကို တည်ဆောက်ပြီး မြို့လည်ဧရိယာကိုတိုးချဲ့ကြသလို၊ အများပြည်သူများ နေ့စဉ်လှုပ်ရှားသွားလာရေး အဆင်ပြေ ချောမွေ့စေရေး အတွက်ပါ စဉ်းစားတည်ဆောက်လာတာကိုတွေ့ရပါတယ်။ တိုးတက်ဆဲ နိုင်ငံများအနေနှင့် ရှိပြီးသား မြေအောက်ကမ္ဘာများကို ကမ္ဘာလှည့်များကို ဆွဲဆောင်ရာ နေရာများအဖြစ်ပဲ ထိန်းသိမ်း ထားတာကို တွေ့ရပါတယ်။

ထိုင်ဝမ်

တိုင်ပေမြို့ မြေအောက်မက်ထရိုဘူတာ (၂)ခု ကို ဆက်သွယ်ထားတဲ့ မြေအောက်လမ်းများ ရှိပါတယ်။ အဓိက ရထားဘူတာရဲ့အနီးမှာ ကြီးမားတဲ့ မြေအောက်အရောင်းဆိုင်တန်း တစ်ခုရှိပါတယ်။

တူရကီ

Cappadocia မှာတော့ သမိုင်းဝင် မြေအောက်ကမ္ဘာများတည်ရှိပါတယ်။ မြေပြင်အနေအထားအရ၊ ခရစ်ယာန်ဘာသာဝင်များ ပုန်းအောင်းရာ နေရာများအဖြစ် အသုံးပြုခဲ့ကြပါတယ်။ ယခုအခါမှာတော့ ကမ္ဘာလှည့်ခရီးသွားများကို ဆွဲဆောင်ရာ နေရာများဖြစ်နေပါပြီ။

ဗြိတိန်

လန်ဒန်မြို့ရှိ Canary Wharf tube မြေအောက်ဘူတာရုံ နှင့် အနီးရှိ ရုံးအဆောက်အအုံနှင့် အရောင်း ဆိုင်တန်းများကို မြေအောက်မှ ချိတ်ဆက်ထားပါတယ်။ Docklands light Railway မှာရှိတဲ့ မြေအောက်ဘူတာ နှစ်ခုကို လည်း ချိတ်ဆက်ထားပြီး မြေပေါ်သို့ ထွက်ရန်မလိုပဲ သွားလာလို့ရအောင် တည်ဆောက်ထားပါတယ်။

Dover မှာတော့ ဥမင်အများအပြားချိတ်ဆက်ထားတဲ့ မြေအောက်ကမ္ဘာကို တွေ့ရမှာဖြစ်ပါတယ်။ Dover ရဲတိုက်မှာ မြေအောက် အထပ်(၆)ထပ်ပါဝင်ပြီး ဆေးရုံ၊ စစ်သားတန်းလျားများ၊ ရုံးများ၊ သိုလှောင်ခန်းများပါဝင်ပါတယ်။ တောင်ဘက်ပိုင်းမှာ ရှိတဲ့ ဥမင်တွေကတော့ နပိုလီယန်ခံစစ် နှင့် ဒုတိယကမ္ဘာစစ်ပွဲခံစစ် များအတွက် အသုံးပြုခဲ့ကြပါတယ်။ ကာလကြာမြင့်ပြီ ဖြစ်တာကြောင့် အများအပြား ပြိုကျပျက်ဆီးနေပေမယ့် အများစုကို ယခုချိန်ထိ အသုံးပြုနိုင်ပြီး ဈေးဆိုင်များနှင့် သိုလှောင်ခန်းများအဖြစ် အသုံးပြုတာကို တွေ့ရပါတယ်။


Edinburgh မှာတော့ ကမ္ဘာလှည့်ခရီးသည်တွေကို စွဲဆောင်ရာ တစ်ခုအနေနဲ့ အခန်း အများအပြား ပါဝင်တဲ့ ကြီးမားကျယ်ပြန့်တဲ့ မြေအောက်ကမ္ဘာကို တွေ့ရပါတယ်။

အမေရိကန်ပြည်ထောင်စု

အတ္တလန်တာမြို့ မှာ Underground Atlanta လို့ခေါ်တဲ့ မြေအောက်ကမ္ဘာတစ်ခုကို တွေ့ရပါတယ်။ (၁၉၂၀) ၀န်းကျင်ကာလက လမ်းများဖောက်လုပ်ရာမှာ viaducts များကို အသုံးပြုရာမှ မြေအောက်ကမ္ဘာ ဖြစ်ပေါ်လာတာ ဖြစ်ပါတယ်။ အဆိုပါ မြေအောက်ကမ္ဘာဟာ မြို့ကွက်(၆)ကွက်စာရှိပြီး အရောင်း ဈေးဆိုင် တန်းများ၊ အပန်းဖြေနေရာများ၊ စားသောက်ဆိုင်များ စသည်တို့ပါဝင်ပါတယ်။ (၁၉၆၈)ခုနှစ်မှာ ဘဏ္ဍာရေး အခက်အခဲများ ကြောင့် ပိတ်ထားခဲ့ရပြီး (၁၉၈၉) ခုနှစ်မှာ ပြန်လည်ဖွင့်လှစ် ခဲ့ပါတယ်။

ချီကာဂိုမြို့မှာတော့ (Chicago Pedway) ခေါ် ဥမင်များနှင့်တံတားများပါဝင်တဲ့ မြေအောက်ကမ္ဘာကို တွေ့ရပါတယ်။ မြေကွက် (၁၀)ခုစာ ရှိတဲ့ ၎င်းမြေအောက်ကမ္ဘာမှာ စတိုးဆိုင်များ၊ ဟိုတယ်များ၊ မီးရထားဘူတာများ အစရှိတဲ့ အဆောက်အအုံများပါဝင်ပြီး ချီကာဂို စီးပွားရေးဇုန်ကို ဖြတ်သန်း တည်ဆောက်ထားတာ ဖြစ်ပါတယ်။ ချိတ်ဆက်ထားတဲ့ နေရာများကတော့ အများအပြားရှိပြီး အဆောက်အအုံများ၊ လမ်းများ၊ ဘူတာရုံများကို အဓိက ချိတ်ဆက်ထားတာကို တွေ့ရပါတယ်။ ဥပမာအနေနှင့် Metra Station၊ Marshall Fields flagship store၊ City Hall၊ Columbus Plaza နှင့် State of Illionois Center တို့ဖြစ်ကြပါတယ်။

ဗာဂျီနီးယားမှာရှိတဲ့ Crystal City ရဲ့အောက်မှာ ရှိတဲ့ မြေအောက်ကမ္ဘာကတော့ high_rise building များရဲ့အောက်မှာ ဖောက်လုပ်ထားတာ ဖြစ်ပြီး ဆောင်းရာသီလို အေးချမ်းတဲ့ ရာသီတွေမှာ မြေအောက်မှာတင် ဈေးဝယ်နိုင်အောင်၊ စားသောက်နိုင်အောင် ဈေးဆိုင်တန်းများ၊ စားသောက်ဆိုင်များ ပါဝင်ဖွဲ့စည်းထားတာကို တွေ့ရပါတယ်။

Dallas မြို့လည်မှာတော့ အဆောက်အအုံများကို ချိတ်ဆက်ထားတဲ့ ဥမင်ကွန်ယက်ကို တွေ့ရမှာ ဖြစ်ပါတယ်။

ကမ္ဘာ့နာမည်ကျော် Walt Disney World မှာလည်း စတုရန်းမိုင်တော်တော် များများရှိတဲ့ မြေအောက်ကမ္ဘာကို တွေ့ရမှာဖြစ်ပါတယ်။

Duluth မြို့မှာလည်း မြေပေါ်လမ်းများနှင့် အဆောက်အအုံများကို ချိတ်ဆက်ထားတဲ့ မြေအောက်ကွန်ယက်ကို တွေ့ရှိမှာ ဖြစ်ပါတယ်။

Havre မြေအောက်ကမ္ဘာကတော့ ယခင် တားမြစ်ကာလများက ဇိမ်ခန်းများ၊ ဘိန်းခန်းများ၊ အရက်သိုလှောင်ခန်း များအတွက် အခန်းများပါဝင်ဖွဲ့စည်းထားပါတယ်။ ဒါ့အပြင် အ၀တ်လျော်ခန်း၊ အလှပြင်ခန်းနှင့် ဆေးဆိုင်ခန်းလည်း ပါဝင်ပါတယ်။ ယခုအခါမှာတော့ ဒေသရဲ့သမိုင်း တစ်ခုအနေနှင့် ထိန်းသိမ်းထားတာကို တွေ့ရပါတယ်။

Houston မှာရှိတဲ့ မြေအောက်ကမ္ဘာကတော့ မြို့လည်မှာဖြစ်ပါတယ်။ ဥမင်အလျား (၇) မိုင်ရှိတဲ့ အဆိုပါ မြေအောက်ကမ္ဘာကို မြေပေါ်လမ်းများ၊ ရုံးများ၊ ဟိုတယ်များ၊ ဘဏ်များ၊ စားသောက်ဆိုင်များ၊ စတိုးဆိုင်များ ကို ချိတ်ဆက်ထားပါတယ်။ Wells Fargo Plaza တစ်ခုတည်းသာ ဥမင်အတွင်းသို့ လမ်းပေါ်မှ တိုက်ရိုက်ဝင်နိုင်ပြီး ကျန်တဲ့နေရာတွေကတော့ လှေကားများ၊ ဓာတ်လှေကားများနှင့် စက်လှေကားများကို အသုံးပြုဝင်ရမှာ ဖြစ်ပါတယ်။

နယူးယောက်မြို့မှာ ရှိတဲ့ မြေအောက်ဘူတာ အချို့ကို အဆောက်အအုံများနှင့် တိုက်ရိုက်ချိတ်ဆက်ထားပါတယ်။ ဒါ့အပြင် Rockefeller Center ရဲ့အောက်ထပ်တွေကို မြေအောက်ဘူတာရုံများ၊ မြေအောက်မှာရှိတဲ့ အဆောက်အအုံများ၊ စားသောက်ဆိုင်များ အစရှိတဲ့နေရာတွေကို ချိတ်ဆက်ပြီး မြေအောက်ကမ္ဘာအဖြစ် ဖန်တီး ထားတာကို တွေ့ရပါတယ်။

Oklahoma မြို့ရှိ Conncourse မြေအောက် ဥမင်စနစ်မှာ မြို့လယ်မှာရှိတဲ့ အဆောက်အအုံများကို ချိတ်ဆက်ထား တာဖြစ်ပါတယ်။ နိုင်ငံအတွင်းရှိ မြေအောက်လျှောက်လမ်း တွေထဲမှာ အကျယ်ဆုံးကွန်ယက် အဖြစ်တည်ရှိပြီး မြို့လယ်ရှိ အဆောက်အအုံ (၃၀) ကျော်ကို ချိတ်ဆက်ထားပါတယ်။ မူလဥမင်များကို (၁၉၃၁) ခုနှစ်က စတင်ဖောက်လုပ်ခဲ့ပြီး (၁၉၇၀) ပြည့်လွန်နှစ်များမှာ ဥမင်များကို တိုးချဲ့ ဖောက်လုပ်ခဲ့တာကို တွေ့ရပါတယ်။ (၂၀၀၆) ခုနှစ်မှာ ပြန်လည် ပြင်ဆင်ရေးများကို ဆောင်ရွက်ခဲ့ကြပါတယ်။

Philadelphia မြို့မှာလည်း မြေအောက်ကမ္ဘာအနေနှင့် Suburban မြေအောက်ဘူတာရုံ နှင့် Market East ဘူတာရုံကို ချိတ်ဆက်ထားပြီး ၄င်းဘူတာနှစ်ခုလုံးမှာ SEPTA ဆက်သွယ်ရေးလိုင်းနှင့် ဆက်သွယ်ထားပါတယ်။

Virginia မှာရှိတဲ့ Richmond မြို့အစိုးရ အဆောက်အအုံများကို ဥမင်များချိတ်ဆက်ထားပါတယ်။ ဥမင်အစိတ်အပိုင်း တော်တော်များများကို ပိတ်ထားပေမယ့် ကျန်ကောင်းမွန်တဲ့ အပိုင်းများကိုတော့ အသုံးပြုနေဆဲဖြစ်ပါတယ်။ ထိုဥမင်များကို ဖောက်လုပ်ရတဲ့ အဓိကရည်ရွယ်ချက်ဖြစ်နိုင်တာတွေကတော့ ဆိုးရွားတဲ့ ရာသီဥတုအခြေအနေမှာ လူများမြေအောက်မှ အလွယ်တကူ သွားလာနိုင်အောင် အပြင် အရေးပေါ်ထွက်ပေါက်အနေနှင့်ပါ စီမံဖောက်လုပ်ခဲ့တာဖြစ်ပါတယ်။

Rochester မှာရှိတဲ့ Mayo Clinic အဆောက်အအုံများကိုလည်း မြေအောက်မှ ဥမင်များ ချိတ်ဆက် ထားပါတယ်။ အခြား စီးပွားရေး ဆိုင်ရာ များကိုလည်း မြေအောက် စင်္ကြံ့ အတွင်းတွေ့ရှိရမှာ ဖြစ်ပါတယ်။ မြေအောက် ရထားလမ်းများ မရှိသည့် တိုင်အောင် subway လို့တစ်ခါတစ်ရံ ခေါ်ဝေါ်ကြပါတယ်။ မြို့တောင်ပိုင်းမှာရှိတဲ့ New York – Nazareth ကောလိပ် အတွင်းမှာလည်း ကျယ်ပြန့်တဲ့ မြေအောက်ဥမင် ကွန်ယက်ရှိပြီး ကျောင်းသား အိပ်ဆောင်များနှင့် ကျောင်းနယ်မြေ အတွင်းရှိ အဓိက အဆောက်အအုံများကို ချိတ်ဆက်ထားပါတယ်။

Washington ပြည်နယ်၊ Seattle မြို့မှာ မြေအောက်ကမ္ဘာ အသစ်အပြင် သမိုင်းဝင် မြေအောက်ဥမင်ကွန်ယက်များကို တွေ့ရမှာဖြစ်ပါတယ်။ Westlake မှာရှိတဲ့ ဈေးရောင်းဆိုင်တန်းများကို မြေအောက်ဥမင်များနှင့် ချိတ်ဆက်ထားပြီး ကားလမ်းဥမင်နှင့်ပါ ချိတ်ဆက်ထားပါတယ်။ အခြား မြေအောက်ကမ္ဘာ အနေနှင့် Two Union Square မှ Rainier Square ကိုချိတ်ဆက်ထားပြီး ဟိုတယ်များ၊ The 5th Avenue ပြဇာတ်ရုံ နှင့် အခြားအရောင်းဆိုင်များပါဝင်ပါတယ်။ Pioneer Square မှာရှိတဲ့ Seattle Underground Tour ကို ဧည့်သည်များကို ဆွဲဆောင်ရာနေရာ တစ်ခုအဖြစ် တည်ရှိနေတာ ကိုတွေ့ရပါတယ်။

ကမ္ဘာပေါ်မှာရှိတဲ့ နိုင်ငံတော်တော်များများမှာ မြေအောက်ကမ္ဘာတွေကို ပုံစံအမျိုးမျိုး၊ အသုံးပြုပုံအမျိုးမျိုးနှင့် တွေ့ရှိရပါတယ်။ ကျွန်တော်တို့နိုင်ငံအနေနှင့် မြေအောက်မှာ ဟိုတယ်တွေ၊ စားသောက်ဆိုင်တွေ၊ ဈေးဆိုင်တန်းတွေနှင့် အများပြည်သူသုံးနေရာများ တည်ဆောက်ရေးထက် မြို့ပြလူနေမှုအရ လိုအပ်ချက် ဖြစ်လာမယ့် သယ်ယူပို့ဆောင်ရေးပြဿနာများကို ဖြေရှင်းနိုင်ဖို့ရာ မြေအောက် သယ်ယူ ပို့ဆောင်ရေး စနစ်တစ်ခုကို ဦးစွာ အကောင်အထည်ဖော်နိုင်ရန် ကြိုးပမ်းအားထုတ် သွားရမှာ ဖြစ်ကြောင်း သုံးသပ် တင်ပြလိုက်ပါတယ်။


post signature

Read More...


 

Older Posts Newer Posts

Search

Table of Contents

About Me

တစ်လှမ်းပြီးတော့ တစ်လှမ်းလျှောက်၊ အဝေးဆုံး ခရီးကိုရောက်။ အပ်တစ်ချက်ပြီးတစ်ချက်သီ၊ ဧရာအစုတ်ကြီး ဖာထေးပြီးပြီ။ အုတ်တစ်ချက်ပေါ် တစ်ချက်ဆင့်၊ မိုးထိတံတိုင်းမြင့်။ နှင်းတစ်ပွင့်ပေါ် တစ်ပွင့်ကျ၊ နှင်းထုဧရာကြီးလေစွ။
eXTReMe Tracker